اخر خبر
كلمات الشاعر/ابراهيم الرشيد
غناء الفنان/مجذوب اونسة
رضيت مشاعرك بالصفاء
وعمقت فيك روح الوفا
افراح خمايلي الوارفة
انا في عيونك شايفها
اخر خبر كتبو في جواب
عايز يقول ينسى العذاب
يترك سبيل قلبي الي داب
ما بين حنين ورقيق عتاب
ايه الحصل ما بين يومين
قسى القليب الكان حنين
خلاه يكتب لي كلمتين
زرفت وراه دمعتين
قال نحن ما بنقدر نسير
دي عاطفة مجهولة مصير
لو هو حكم للضمير
ما كان جرح قلبي الاسير
انا ما جبرتك يوم تحب
بس انت بي طيبة قلب
مشيتني في اطول درب
اطول درب مشيتني فيه ليه
جبروك خلاص تترك هواي
توهب قليبك لسواي
يا نار بتحرق في حشاي
مبروك عليك ده هناك هناي
حبيتك انت وقلبك ما معاي
#للانضمام لمجموعة قروبات أجمل الأمثال والاغاني السودانية 0912260227 واتس
