تتواصل الثنائيه الخالده في العطاء: القامه عبدالقيوم الشريف والمرهف علاء الدين اب سير وامتداد لاتحف

تتواصل الثنائيه الخالده في العطاء:
القامه عبدالقيوم الشريف والمرهف علاء الدين اب سير وامتداد لاتحف قدموها لاغنية الطنبور متل:
سامحني واصفح ي حبيب
اتحدددددددددددددداكي
غصب عني القسمه اقبلا
منووووووو الجااااااااابك
مسسسسسسسحه حزن
ي غيمه في عز الهجير
والان مولود جديد لامتداد للمسيرة الناجحه حمل اسم (فيك التعب راحه)
عمل سوف يكسر الدنيا لاحقا
نتمني لهما دوام الصحه والعافية يارب
جديد القامة علاء الدين ابوسير 💝
من اروع الاشعار القصصية

و للحكاية بقية 👇

فيك التعب راحه
وانا زاتي بقوابك
وحبابو تعب الكون
لو يبقي في دابك
****
انت القلب والروح
وانفاسي يالغالي
ماشفت غيرك ريد
لازول شغل بالي
انا همي كلو رضاك
شاغلني طوالي
انا ليلي بيك بكمل
وصباحي يبدابك
****
تطرا الرهان الكان
في بيتنا يوم العيد
مين فيكم اكتر زول
بيحب مدامو شديد
ولقوكا في التلفون
ساميني ست الريد
وانا طرت بالفرحه
واتفاجئوا اصحابك
****
بتذكر اني عروس
يوم انت بتا قوا
كان المطر هطال
رعده وبروق وهوا
كان عندي باقي اكل
لابكفي لابسوي
لمن طفيت النور
في الضلمه اكلنا سوا
ماكت قعد تاكل
انا كنت حاسابك
****
علمتني الايثار
ومعني تهب خيرك
تكبح جماح نفسك
شان ينبسط غيرك
ياريتني لو بعرف
اكتب مساديرك
وأملا الاغاني لحون
من طيب تعابيرك
ياريتني اكون راهبة
ومعتكفه في ديرك
اعمل فروض طاعتك
واحرس دوام بابك
****
الليله جاني الدور
ليه ما اقيف جمبك
ليه ما أوري الناس
انا ميته قي حبك
انا كل يوم ببكي
وبسال دوام ربك
يشفيك من الالام
ويصيببني انا الصابك
****
لارقعتلي المقدود
لالبستني الفركة
لا اكلتني البايتة
لامصرفتني الفكة
ماعشت خدامه
انا عندك الملكة👑
زرنا المدينة سوا
وحجينا في مكة🕋
وان شاءالله في الفردوس
ايدينا تتشابك 🤝
****
يوم شلت قلبي زمان
اشمعني كنت سعيد
حاسابو بين ضلعك
ينبض محنه وريد
واليوم عشان كلية
حزنك بشوفو شديد
من عمري اشيل واديك
لو المراد يالليلد
خليني أسد الدين
كان اوفي اتعبابك
****
#للانضمام لمجموعة قروبات أجمل الأمثال والاغاني السودانية 0912260227 واتس