“جاي تفتش الماضي” قصتها شنو..
التجاني حاج موسى قال:
القصيدة دي كتبتها في السبعينات، أثناء فترة دراستي بالجامعة..
حينها كنت في علاقة عاطفية مع إحدى الزميلات، لكنها ” أدتني شاكوش” وأحبَّت شخص آخر، وأنا لسه مُتوهم انها بتحبني، لكن الحقيقة انها ارتبطت بشخص آخر..
وبعد فترة اختلفت مع حبيبها وأرادت أن تعود لي مرة أخرى، لكن الجرح كان غائراً والقصة محزنة، فما استطعت أن استأنف العلاقة مرة أخرى وانتهى الأمر.. فجاءت القصيدة تحكي عن الحدث
كلمات الأغنية:
جاي تفتش الماضي
خلاص الماضي ولى زمان..
وجفّت مقلتي الباكية
ونامت من سنين أحزان..
أرجع بالزمن مرة
واتذكر حكايتي معاك..
تلاقي القصة جد مرة
هل راعيت شعور مضناك..
وكل ما تزيدني في هجرك
أقول ليك زيدني ما أحلاك..
لا شفع التوسل فيك
ولا حرماني يوم هماك..
وجيت تترجى بالدمعات
أسامحك أنسى أغفر ليك..
جفف دمعك الغالي
مسامحك ما عشان عينيك..
عشان تتعلم الغغران
وتصفح لو زمن جار بيك..
وحاول لو قدرت كمان
تقدر رقة الحابيك..
دي عِزى نفسي مابيه عليّ
أسلم قلبي ليك تاني..
سنين الهجر بيناتنا
وحاجات تانية حامياني..
ولو رجع الحنين عاود
ليك من تاني وداني..
ومكتوب ليَّا تاني أحب
بحب إنسان يكون تاني…
#اجمل الأمثال والاغاني السودانية
