فنان وأغنية
أغنية “خيوط العنكبوت” أغنية رائعة وأكثر من رائعة لقت رواجاً واسعاً في مواقع التواصل الاجتماعي والشعب السوداني بمختلف أنحائه أغنية صورت الواقع المُعاش غنتها الأبنوسة فدوى فريد وهي بتقول :
كملت خيوط العنكبوت و جرحنا ماطاب بالسكوت
و عدالة فى نص البحر مطموسة جوة فى بطن حوت
ايا يونس انت متين تيجي و تشوف عوج كل البيوت
ما لسة اليقطين بخير و الناس تكابد فى الدروب
بتصارع الموت شان تعيش فوق قاع بحر اماته توت
غارفاه ناس من غير ضمير داخرينه منكور دم و صوت
و الحكمة اطفالنا الصغار دمعاتها بتشيل لينا صوت
بترقرق الليل و النهار من ربطة الحجر المقود
من قهرها و ضحت النفوس ماعارفة زاتها هى وين تشوت
فى وجوها تعبيرات كتار مكتوبة بى اعرض خطوط
عنوان غلافها مكمدات شيرية و قرض بوخة لعوت
تقراها يطلع ليك سؤال العبرة بى موية بتفوت
نرجع نقول سمح الصبر سهم القدر ما اظن يلوت
ياقلنا عزته يالقبر سودانا مافرجة شموت
جيناك ياسوس التمر جياشة كنداكة و شفوت
من بشرة الناس السمر الواظبو الدين الفلوت
الهمهم سودان بخير فى عتمة الزمن الكفوت
و يسوو لى احمد نكير قطر العمر قبال يفوت
ماطال مافي الروح نفس عزة وطنا محال تموت
بتعالج الحلبة المغص الجانا من كاس السكوت
الله يصلح حال العباد و البلاد و يعود السودان إلى ما كان عليه 🇸🇩
#للانضمام لمجموعة قروبات أجمل الأمثال والاغاني السودانية 0912260227 واتس
