كلام حبوبه
ما بنجح… حصادآ سيدو هامل التربه
والاخو. كان مرخرخ بنفرز في الكربه
قولآ………. فيهو بتفقو العجم والعربه
مرات…… (الوجع) نبكي ونمرقو قصيده
و(الاقدار)….. تصيدنا ونحنا ما بنصيده
الموت. اصلو حق والاخره دايره رصيده
(العز)… قالو أهل و(النية) زاملة سيده
مره….. الدنيا تسخى ومره تابا عطاها
مرات…. تلحق تابعه (امات طه)
مشاكلك… والمحن لي وحدك اتخطاها
اصلو….(الجمرة) قالو بتحرق البوطاها
الاخلاق………… تعامل والسماحه ملامح
والعز………. ورثه والخيل المأصل جامح
خلك. في التعامل فيض محيطك طامح
ان………. آزيت تأسف وان ازوكه تسامح
في…الفي الخوه ما بدي القواله مجال
وفي….. البتبرى منك كان زمانك جاال
ما كل…. (البجعجعو) بسترو ام حجال
وما…كل البشنقو في الطواقي رجال…✋️
