كلام حبوبه
ﺣﺒﻮﺑﻪ ﻗﺎﻟﺖ:
الشعره المابتعرف الواجب بتقوم في الرقبه وتخلي الحاجب
وحظ الكيشه كان وقع من السماء يلقي الارض مافيشه
والعندو واسطه في بيت البكاء بياكل باسطه..
و قالت:
احزرو اتنين الكرونا
والبت الفاتحه لونا
حبوبه قالت
ريد بالغصب لا بنفعك لا بتفيدك
وزولا ما ليك اختاهو وارفع ايدك
حبوبه قالت:
البختك محل راحتو م تبقى ليهو تعب و البفتش فيك ضحكتو ما تدي بدلو وجع..
وقالت:
السر لو شالو اكتر من نفرين مااا ببقي سر، وقالت حق الناس ان بقي شجره ما بتشيل منو صفقه..
وقالت :
ﺍﻟﻜﻼﻡ ﺍﻟﺸﻴﻦ ﻋﻤﺮﻭ ﻣﺎﺑﺘﻨﺴﻲ ﻭﺍﻟﺒﺪﺧﻞ ﺍﻟﺒﻄﻮﻥ ﻣﺎﺑﻐﺴﻠﻮ ﺍﻟﺼﺎﺑﻮﻥ ، ﻭﺍﻟﻜﻠﻤﺔ ﺍﻟﺴﻤﺤﺔ ﺑﺬﻛﺮﻭ ﺑﻴﻬﺎ ﺳﻴﺪﻫﺎ …
ﻭﻗﺎﻟﺖ ﻛﻤﺎﻥ: ﺍﻟﺒﻴﻮﺕ ﺑﺘﺘﺠﻴﺮ ﻭﺍﻟﻘﻠﻮﺏ ﺑﺘﺘﻐﻴﺮ ﻭﻣﺎﻓﻲ ﺩﺍﻋﻲ ﻟﻠﻔﻜﻲ ﻋﺸﺎﻥ ﺍﻟﻠﻪ ﻓﻲ.
ﺣﺒﻮﺑﺔ ﻗﺎﻟﺖ:
ﻣﺂ ﺗﺨﺎﻭﻱ ﺍﻟﺠﺒﺂﻥ ﺍﻟﺒﺘﺨﻠﻊ ﻣﻦ ﺿﻠﻮ ، ﺧﺂﻭﻱ ﺍﻟﻘﻠﺒﻮ ﺩﻟﻮﻛﺔ ﻭﻣﺤﺠﺮ ﻛﻠﻮ ..
ﺣﺒﻮﺑﻪ ﻗﺎﻟﺖ:
ﺍﻟﺒﻴﻌﻤﻞ ﻓﻴﻬﺎ ﺍﻃﺮﺵ ﺍﻭﻋﺎﻙ تصرخ ﻓﻲ ﺍﺿﺎﻧﻮ
ﻭﻗﺎﻟﺖ :
ﺍﻟﺒﺨﺘﻚ ﻣﺤﻞ ﺭﺍﺣﺘﻮ ﻡ ﺗﺒﻘﻰ ﻟﻴﻬﻮ ﻭﺟﻊ ….
ﺣﺒﻮﺑﻪ ﻗﺎﻟﺖ :
ﺍﺗﻨﻴﻦ ﺍﺑﻘﻲ ﻋﻠﻴﻬﻦ ﻋﺸﺮﺓ ﻋﺰﺓ ﻧﻔﺴﻚ ﻭ ﻋﺰﻳﺰ ﻧﻔﺴﻚ ﺍﻻﻭﻝ ﻣﻘﺎﻣﻚ
ﻭ ﺍﻟﺘﺎﻧﻲ ﺳﻨﺪﻙ
ﺣﺒﻮﺑﻪ ﻗﺎﻟﺖ:
ﺍﻟﺒﺪﻭﺭﻙ ﺩﻭﺭﻭ ﻭﺍﻟﺒﻴﺂﺑﺎﻙ ﺧﻠﻮ ﺃﻭﻉ ﺗﺘﻌﺰﺭﻟﻮ ﺍﻟﻤﻄﺮ ﻣﻦ ﺍﻟﻠﻪ ﻭﺍﻟﻬﺒﻮﺏ ﻣﻦ ﺍﻟﻠﻪ …
ﺣﺒﻮﺑﺔ ﻗﺎﻟﺖ:
ﻓﺘﺶ ﺍﻟﺮﻭﺡ ﺍﻟﺒﺘﺸﺒﻬﻚ
ﺍﺻﻠﻮ ﺍﻟﻤﻼﻣﺢ ﺿﻞ ﺿﺤﻰ ….
وﺣﺒﻮﺑﺔ ﻗﺎﻟﺖ:
ﺍﻟﺒﻬﻮﻥ ﻋﻠﻴﻬﻮ ﺯﻋﻠﻚ ده ﻡ ﺑﺤﺒﻚ ﻟﻮ ﻓﻀﻞ ﻃﻮﻝ ﻋﻤﺮﻭ …ﻳﻘﻮﻝ ﻟﻴﻚ ﺑﺤﺒﻚ ..
ﻭ ﺣﺒﻮﺑﻪ ﻗﺎﻟﺖ : ﻓﻲ ﺍﻣﻮﺭ ﻻﺯﻡ ﻧﺴﻠﻤﻬﺎ ﻟﻲ ﻋﻘﻠﻨﺎ ﻋﺸﺎﻥ ﻗﻠﺒﻨﺎ ﻣﺮﺍﺕ ﺑﺘﻮه ….
وبرضو ﺣﺒﻮﺑﻪ ﻗﺎﻟﺖ:
ﺍﻟﻘﺮﻭﺵ ﺭﺍﻳﺤﻪ ﻭﺍﻟﺴﻤﺎﺣﻪ ﻣﻊ ﺍﻟﻌﻤﺮ ﺑﺘﺮﻭﺡ ﺍﺧﺘﺎﺭو ﺍﻟﻘﻠﺐ ﻭﺍﻟﺮﻭﺡ ﻭﺍﻣﺴﻜو ﺑﺎﻟﻌﺸﺮه ﻭﺧﻠﻴﻚم ﻟﻴﻨين ﻓﻲ ﺍﻟﻌﺸﺮة…
